బంక బేదులు

తెలియని అనేకం కన్నా కించిత్ ఇది సుఖంగానే ఉంది

కొద్దిగా కడుపులో కదలడం, ముక్కుతున్నప్పుడు ముడ్డి పీకుడూ
కొంచెం కష్టంగానే ఉన్నా ఎప్పటికప్పుడు
తెలిసిపోతూ ఉండడం –

తెలియని అనేకానేకం కన్నా
“క్రైం అండ్ పనిష్‍మెంట్‍” సెమ్యన్‍జహరోవిచ్ తాగుబోతు ప్రేలాపనలో
ఏదో  తెలియని కుక్క పీకుడుకన్నా
ఇదే సుఖమనెడి అశక్తతతో పుస్తకాన్ని కాసేపు బోర్లాగా పడుకోబెట్టి
నీరసపు మూగన్నుతో-

తెలియని అనేకానేకం కన్నా తెలుస్తూ ఉండేవాటిలో
సూక్ష్మంలో మోక్షం వెతకడం
ఇప్పుడిప్పుడే ఙ్ఞానోదయమవుతోంది